domenica 5 agosto 2012

Une cjarece vanzade


Cisichimi
Par domandâmi se ai cjatât di parchegjâ
Dongje de Lune,
O se ai scugnût cjaminâ
Dentri dal fum
Tornât fûr di chês stelis
Aromai masse strachis par stralusî.

Ti contarai
Che ai une valîs fate di capis,
Jemplade di mantiis e lampadinis,
Che o ai distacât a lis peresons
Dentri dulà che o vevi sierât
Dutis lis mês covis.

Ti contarai ancje,
Che a cjase tô,
Jenfri la vetrine e il cîl dal mont,
Ti ai lassât une cjerece,
Che mi jere vanzade,
Vûstu mai che ti coventàs,
Par te
O pai tiei nemîs.

Nessun commento:

Posta un commento