venerdì 26 ottobre 2007

Lassâ la machine a Udin cence bêçs minûts


Che altre dì soi rivât a vore tor dîs di matine. Jo soi un di che grande famee ca poie la machine al Moretti. Us sparagni dute la comedie ca è a matine par cjapâ i puest dulà che no si pae, par che i dedicarai une cjacarade a pueste.
Pitost us conti di ce che vûl dì rivâ sul puest cence bêçs minûts.
Nin par ponts
Par començâ a provi a cirì un bûs la che no si paie, no si sa mai, di ve un colp di cûl. Naturalmenti al è dut plen. Machinis par lunc e par traviers. Cualchidune, soi convint, che par ficjâle come ca le àn ficjade, ân di vele dismontade e tornade a fa su!
Alore ce fasio. Provin al me vecjo parc, l’Andreuzzi. Li si come no ài bêçs minûts a pos paiâ instès. Neancje a dilu, “parcheggio completo”. Mierde! O ai pensât!
Torni al Moretti. Torni a fâ un zîr e o viôt un ca al ven vie. Orpo, ce cûl. Voi par parcâ e cjati già doi di lôr ca spetavin. Machine in moto e voli di mat! Vêso mai provât a lassâ il cjan cence mangjâ par trê dîs e dopo robai il ués? Compagn!
Alore ce ti fasio? A paiament no pos par ce che no âi neancje un centesim. Provâ plui lontan? Magari viars il simiteri? Provin. Machinis… machinis… machinis… Nie di fâ, insome.
Alore provin in t’une laterâl di une laterâl di une laterâl…. e a fuarce di vitis, o cjati un busut juste juste pa la me machinute e, dopo ve spietât che un cun t’une machine grande il dopli al capisi che nol podeve jentrâ, soi rivât adore a parcâ.
O soi smontât de machine
Le âi sierade
O âi cjalât a nord
E in mieç di une lizere fumate
Un pôc rusin e un pôc ruan
O ai vedût la cupule dal tempio Osario
Cun t’un po’ di fortune e un pâr di autostops
O sarès rivât a vore denant misdì!!!

4 commenti:

  1. Cusi' al esist ancjemo' al parchegjo gratuit al Moret. ( chel dongje dal Templi Ossari ).

    O ai simpri parchegjat li' ( cun co vivevi in Friul ) sie se o vevi di la' li dongje o in Placje Prin Mai o al cine in vie Aquileie...o soi cancar poc ce fa'.

    Mandi.

    RispondiElimina
  2. E ben, sa tu vevis chê di stropâ une bûsefasint chest blog, a tu le âs ben stropade...

    RispondiElimina
  3. O ai ridût come une mate, ancje parcè che par cjatà puest no a paiament in place prin mai o ai di sveami simpri a buinore, se no o varès di paià 4 o 5 euros ogni dì... E paiant già pase 1000 euros ad àn dome di tasis, o preferìs viodi le lune di matine che "svenami"... E se o voi su plui târt, e je une tragedie... Compliments pal blog... Lu tignarai di voli!

    RispondiElimina
  4. Oramai ti tignin di voli... =)

    RispondiElimina